Ka kawng chu a bung dawn emaw tih mai tur hian a kham na urh tawh a, thlan lah chuan min bual huh hnep hnup reng a, ka lu chu tuboha chhut chawrh ang mai hian a na ut ut bawk nen, engkim mai chu a hreawm vel vek a ni ber mai e. Khuamah chuan a nuam thei ang turin ka mu kawi kual vela, engtizawng mah chuan a nuam thei chuang si lo, khawsik reh thei lo ber chuan min ti hreawm ber a ni.
Damdawi min chawh ho lah chu mum lian pui pui thawh nat hmel deuh deuh an ni na in, ni thum chhung ka ei hnu ah pawh min la siam danglam si lo a nih hi ! ! Engmah ti thei lo a Pa ber han mut reng mai chu a zia lo lampang hret chu a ni. Chu a chhapah buaipui kan la ngai zawk bawk nen, nupui ten kan tih ai zawng zawng an ti lai hmuh reng hi chuan inthlahrun a na duh ngei mai.
Kan Doctor khan Medical Leave ni 3 chhung min pe a, min pek tirh kha chuan ka lawm ve viau a, mahse medical leave lak hi thil lawmawm a lo ni lo, a lo na em mai a nih hi. Vawikhatmah lak ka duh tawh lo, luak a chhuak a, chaw ei a tui lo a, zan mut a tui hek lo, nupuite lakah kan la inthlahrung bawk, Medical leave hi kei chuan lak ngaih loh hram dan awm se ka duh ta ber mai a ni.
