Mumal taka thil zawrh engpawh i lei hian GST i pe ṭhin. Chhiah i pe ve tihna a nih chu. Income tax hi Direct tax a ni a, GST leh Customs duty hi Indirect tax a ni.
Income tax hi pe lo mahila, Indirect tax hi chu Mizo mipui tupawh hian GST kaltlang hian kan pe vek. Top up i thun te, Waiwai, Sweet etc atanga TV, Computer i leina leh Cable TV fee i pekah khan GST a tel zel tihna a ni.Chung chhiah tlingkhawm chu Sorkar sumbawmah a lut a ni. Sorkar hmalakna hrang hrang Zirna, Hriselna, Inkalpawhna ṭha, Thil siamchhuah lam, Buh leh Bal hmasawnna, Inbiakpawhna ṭha zawng zawng hi kan chhiah tlingkhawm aṭanga chhuak vek a ni. Sorkar hnathawk hlawh leh CSS te pawh hi a huam vek.
Chumi awmzia chu mipui sum thawhkhawm aṭangin sorkar chuan hma a la ṭhin tihna a nih chu. I ṭhenawmpa Sorkar hnathawk eiru nasa tak khan i sum a eiru tih i ngaihtuah ngai em? Minister leh MLA ten hmalakna tur Sorkar sum anmahni hamṭhatna atana an hman hian i pawi an sawi tih i hria em ? Kan sum thawhkhawm tlingkhawm vek a ni. Kohhran hruaitu lehthawktute hian kan Sawma Pakhat hi eiru in leh diklo taking hmang ve ta se Mipui chu kan rilru a na in kan thikthu a chhe khawp ang. Sorkar sum pawh hi chutianga kan thawhkhawm ve tho chu a ni. Engvanga enliam mai mai bik nge kan nih?
Central atangin kan zui sawichhuak ti a hmai uang taka kan politician ten an rawn hawn ṭhin hi mipui sum, nang leh kei in kan thawh leh kan ta tur a ni. Awmlo atanga lo awm ngawt a ni lo a, a lo awm theih nana i thawh ve a ni, kan chanpual a awm tih i hria ang u.
Chutiang a lo nih si chuan, mipui hian sorkar sum hman dan hi kan chik ve tur a ni. Sorkar hnathawk eiru pawh kan haw em em tur a ni bawk. Hawh teh u, "Thik thu i pe chhe ve teh ang u". Sorkar sum hi amaha lo awm ve tawp a ni lo kan tih tawh kha. Contractor ho leh sumdawng lian hian GST an pek nasat zia chu an hrechiang khawp ang.
Tun ṭum leh tun hma lama state sorkarin sum lama harsatna a tawh hi kan chanpual ben buak sak a nih vang leh kan thawhkhawm hman sual a nih avang hian mipui tan chuan vei awm tak meuh a ni.
