Kum thar Resolution ah Online khat deuh ka tum tawh ang tih ka han thlang ve ngawt kha chung lam pang khian min lo support over a niang, kum thar ni atangin ka online ve ber na ka mobile a chhe ta thut mai a le.. ka kumthar thutiam chu a hlawhtling chiang teh a sin.
Kan nau pakhat lo len remchang tum hian a mobile lo chhuhsakin laptop ah ka thlunzawm thuai thin a, misual.com leh vanglaini ka keu ru dek dek thin. Facebook pawh ka tlawh hman ve zuai thin bawk a, a nuam tawk chauh chu ka ti tak nangin ka kham lem lo khawp mai. Tunah pawh hian chutiang ang chuan ka ti mek a ni.
Mi ningkhawng ka hre lo lutuk hi ka bengngawng mai ni lo in ka lu te hi a hai muai muai thin hian ka hria. He internet khawvela ka thuneihna sang ber awmna ka Blog meuh pawh ka update hlei thei lo a, a zia lo ngei mai. Blog siam thar laia kan phur surhna pawh kha a reh tan te pawh ni fa hmiang.
Office lamah lah ka online thei tawh bawk si lo, 'ka thiante ho pawh an zahawm tawh em em e' ti in hei post mumal lo zetin ka rilru a lut hmasa sa ka rawn type ve tawp a nih hi.
4 comments:
Welcome back, Tluangte. I rial rei vang vang hle mai. I han reh hmak ta mai kha chu, i pawi ka sawi ta emaw ka lo ti hman hial asin. Thuziak te hi tih reng a harsa a, duh hun huna ziak ngawt theih pawh a ni hek lo. Rilrua a luh hun vanglai hi a awm ve tlat nia. Engtik niah emaw chuan i rilruah thuziak tur a rawn lut leh tak tak mah ang a, i ziak leh mawlh mawlh mai ang. I kumthar resolution mai mai kha chuan a dal zo che in ka ring miah lo, kei chuan.
E.. A lawmawm nasa e! Ka lo thlir ka lo thlir che a. Blog, misual.com, facebook leh phone thlengin i reh ka lo ti ka lo ti a, i lo hetih vang a lo nih dawn chu! Phone chu ngaihtuah vat rawh! I kumthar resolution pawh theihnghilh leh hram teh khai. Hetia inkawmho hi a nuam e.
Thiante u, ka fiamthu mai mai a nih kha.. ka phone a chhiat avangin chawplehchilhin kumthar resolution ka siam chawp mai mai a nih kha.. lolx. He pa hi a hman lutuk min tih palh te pawh ka hlau va deuh a lawm le... Nangni ho nena inkawm khawm hi a nuam thin teh e..
E khai, online lamah i reh rei lutuka a khawharthlak hman alawm le... Inthlahrung reng reng suh, tunlai khawvel thiamna hmanga mahni ngaihdan sawina forum ho hi hman tangkai tur alawm.
Misualdotcom lamah lah i comment tha tak tak ang kha ka lo ngaichang reng thin a, i reh vung vung bawk si (nge i username/nick i thlak zawk?) Han regu ve leh rawh khai (tichuan ka misualdotcom nick a rukin ka lo 'tip' ang che... lol)
Post a Comment