Aiting (Dancing Girl) hi Mizoram State flower a ni thin a, mahse kum 2009 khan Senhri (Red Vanda) chuan a rawn thlak a. A mawina zawnga thlir chuan Red Vanda hi chu a mawi zawk mai thei, mahse thil vang a nihna leh a dangdai/danglamna hi a pawimawh kei chuan ka ti zawk. Aiting Botanical name chu Mantisia spathulata a ni a, google ah han zawng mah teh u, a picture hmuh mai mai tur pawh hi a vang teh mai a nia.
 |
| Thlalak quality hi a tha vak lo, Lunglei bul Sethlun a lak a ni (2007) |
 |
| A par mala lak a ni. Hmeichhe naupang pawnfen feng lam lai pawh a ang riau a sin |
 |
| Hei chu position a la fuh ve tawp.... :) |
 |
Lung khawkrawk hmun, kham lam deuhah a awm duh tlangpui.
Scale dah nachang ka la hriat hma a ni a, ngal rek atang khup thleng vel a sang a ni tlang pui. A par khi kutzungpui tiat vel a ni bawk e.
|
3 comments:
Thu nepnawi mai mai ai chuan hetiang thlalak nalh tak tak thlir hi a chang chuan a nuam zawk. Mit a tlai kher mai. Aiting hi a hming ka hriatna chu a rei tawh, a takin ka la hmu lo nge maw ni le, nge, ka hmu tawh anga 'aiting' a ni tih ka hre lo zawk aw.... A tha hle mai.
He pangpar hi hmanni deuh khan ka buaipui hrep tawh, Khawvel hmun danga awmlo, Mizoram chauha awm ania (ka hriatsual loh chuan),Mizo te ro dik tak. State flower atana Senhri an hmang daih kha ka lo ui khawp mai a, Senhri te chu Northeast hmun dangah pawh hmuh tur a awm a. Science lamah kan research tihpui (vai) in a tihpun dan "tissue culture" a lo bei hep tawh a, ani pawn min hrilh lawm lawm, preserve ngei ngei ru ati. I rawn post chu ka van lawm em!
In rawn comment ka lo nghak mek a, in rawn comment dawn tawh lo maw tih hnu ah hei mi puitling tak 2 in thu tha tak in rawn sawi a, ka lawm e.
Ka sawi belh duh chu, Mantisia spathulata leh Mantisia wengerii hi mizoram ah an awm ve ve a, ka collect tawh ve ve bawk a, mahse ka confused na chu a khawi zawk hi nge mizo hian 'Aiting' kan tih tak chu ka hre fuh thei lo..
@Mimi, preserve mawlh ang, kan ram hi a kang ral vek a, khua a kheng hrep te a nih loh chuan, durtlang, reiek, Sethlun, Sairep leh Champhai kawngah te khian an awm reng tur ah ka ngai...
Post a Comment