Thlalak lakkkhawm hi ka tuipui zawng a ni thin a, mahse ka thlalak tam zawk hi in lama ka computer ah a awm vek avangin Post duh viau mahila ka thei lo a, vanneihthlak takin kan
In lo hmu ve tawh ang emaw? Tun tum a mi hi Suangpuilawn dai lungbanga milem ker a ni a, milem ker hi panga an ni. Ka thawhpui, Hindu pa ka entir a, heng milem kerte hi an sakhaw kaihhnawih thil vek a nih thu min hrilh a ni. Milem pakhatna hi Lord Ganesh lem a ni a ti a, pahnihna hi Lord Shiva lem a ti leh a, milem pathumna thutdan khi Padma-a-sanam a ni a ti bawk a, tin, Sava lem khi Mu (Eagle) lem ah ngai ta ila, chu chuan Lord Vishnu a entir a ti a ni. Tak tak ni maw? Vai pa sawi ka sawi chhawn leh a nih hi.
Zawhna awm thei chu engvangin nge helai hmunah hian hetiang milem hi a lo awm ngawt theih? Mizorama hi Mizote awm hma hian midangin an lo luah ve tawh a ni lo maw? Carbon Dating hmangin heng milem an ker kum hi a chhut chhuah theih ang em?
25 comments:
Ka hriat ve dan ka'n sawi mai mai teh ang. A dik emaw dik lo emaw midangin rawn sawi zui se.
Kan rama chanchintha rawn thlen hma khan Manipur atangin Suangpuilawn bawr velah khian Hindu Missionary(?) an rawn lut a,kan Mizo Lal te khan engtin tin emaw an lo dang thei hram ni tur a ni, an tum ang pawn an Sakhua chu an thehdarh thei ta lo a, an kir leh ta ni tur a ni. Chung hunlai ami chu a nih duh hmel te ka'n ti ve ngawt a.
@dawldang,Thanks for ur comment. I sawi hi thil awm thei a ni khawp mai. Hre thui lo ve tak, Tiau ral pawh hre pha mumal lo hian a ler lam atang hian ka tuipui ve em em a, in ngaihdan han thawhkhawm teh u.
Lehkhabu a ka chhiar nge, School/College kan kal ve laia min hrilh nge ka hre chiah tawh lo a ni. A hre deuhin rawn chhu zui se ka ti khawp mai. Thil common lo tak a ni tlat mai
Jona an rawn comment se enge maw chen sawi tur a hriatngei ka beisei. Dawldang, mizo te hi thil kan chik lo lutuk a, heng milem te pawh hi khawdai lawka awm a nia, tumahin zirchian leh humhalh an tum lo a niang, ka kal lai pawn a hnim khawp mai.
Dawldanga sawi khi ka pawm zawng tak a ni. A dik pawh ka ring.
Ngaihdan dang te pawh phawrh chhuah belh ve reng reng ila maw le. Nomadic tribe thenkhat te'n helai ram hi an lo paltlang tawh a ni maithei. Tin, reng lal (Tripura) te pawh khan tunhmain helai hmunah hian hnuhma engemaw tak an lo hnutchhiah pawh a ni ve thei tho bawk. Tin, thudang daih, "reng" kan tih ho kha tuna "reang" (tuikuk) ho hi an ni lo maw?
Kan ram hi, kan pipu te'n an thlen thlaka an luah hma pawh khan ram hi chu a lo awm duai ngei ngei dawn a, tutu te emaw chuan an paltlang nual tawh ang. Mahse luipui phairuama cheng duh zawk te leh a aia ram tha zawka cheng duhtu tan chuan tlangram hmun chhengchhia hi an kal pel zel ang a, an cham chhungin hnuhma eng eng emaw an hnutchhiah ve te pawh ani mahna.
@caribou, i ngaihdan rawn thawh chu thil ni thei a ni. An hnuhma khi en ila, mizo pipu te lungkera milem siam satliah ai chuan mâm tha tak a ni. A ang viau bok, chuvangn pipu te aia changkang zawk deuh hnam chu an nih duh hmel.
Thil ni thei leh pakhat chu tun hnu kum 1900 hnu lama ker a ni thei ang em? Ka ring chiah lo a.
Zeldin thubawl deuh hlekin ka'n chip zui teh ang. A milim ker khi kan en chuan kuthnu a mam loh bakah a lian vak lo niin ka hria a; khimi ker nan khian hmanrua pawh an nei tha lem lo a ang hle. Chutiang a lo nih tak tak khi lai vela in bengbel nghet lo kutchhuak a ang ka ti.
Hindu Missionary ho sulhnu a ni thei a; keini aia he ram lo paltlang/luah hmasatute sulhnu a ni thei bawk a, rambuai laia vai sipai, sakhaw mi deuh te sulhnu te pawh a ni thei mai lo maw (hahaha). A bul hnaia chengte i zawt chhin em? Engtin nge an tih ka van hrechak em!
Hruaitluanga lehkhabu chhiar in mamawh dun hle mai pu dawldanga leh xingibera chu
Kha, a hria chuan a rawn sawi nalh mai sin. keichu ka hriat loh ve lam tak a ni Dulte
@Dawldang_a, lolz, keichu ka hre lo ka ti sa hrim2 a, ku dawldanga hian a thiam tawka min puih a tum a lawm.
@dawldanga, putar min hruaitu kum 70 vel mi chuan kan naupanlai pawn a awm tawh a ti.
Dultea, a hre ngei tur nia ka rin rawn zawt che ka nia, a uiawm viau te a nih lem loh chuan han sawi ve nghal law law la maw le; chutia utrawk tur vawn mai lovin hahaha.
Thrianpa chu i va post thra ve hei. Thlalak ho hi watermark ang che.
Thlalak atranga a lan dan chuan Vai pathian lampang a nih chu phat rual a ni lova. Sava lem erawh chu Hindu sakhuana nena inlaichinna nei a nih hmel loh, eagle ai mahin hornbill a ang zawk. 'Bâkah milim dang ho angin a refine lo bik.
Dating chu C-14 hmanga tih mai theih a ni ang a. A lung sakhat dan hriat a chakawm bawk. Chang thra tak a nih chuan heng milim ho hi ker an nihna a rei tawh ang, a chhan chu a khem nasa hlawm tawh a, natural process of wear and tear vângah ngai ta ila (Mizo te tihhmelhem chawp a nih a rinawm loh).
Chuan, a site hnaivaiah mihring chênna hnuhma hlui a awm leh awm loh te hriat ni se. Tute kalpah/awmhmun bengbel lova tih nge, inbengbela awmhmun khuara heng hi siam tih a hriat theih ang.
Tute kuthnu nge ni ang? Manipur Meitei ho hi written record nei thra tak an ni a, hemi kaihhnawih record an neih neih leh neih loh hriat dan kawng a awm ngei ang.
Chiang deuha chhui a chakawm hle mai. A hmunhma hi humhalh thrat deuh nise a va thra ve.
@jona, a lawmawm e. Nia vawn that chu a tha khawp mai. Hei lo pawh hi hmun dangah a awm nual ka ring tlat.
Eheuuu....Dawldanga pahnih an awm ta elaw? Sipai bang ka bo ta map mai.
@u caribou, i meng rei nge i tho tawh zawk? Khi dawldang te khi an awmzia pawh ka hrethiam lo ve?
Pu Xingibera: i hriat tawh ka rin avangin ka comment ta lawk lo a. Dawldang_a rawn sawi khi ZORAM VARTIAN kha ni turah ka ngai a, lo chhiar teh aw. He lehkhabu hi tlem tlem chu ka chhiar ve tawh Mizo history chungchanga inhnialna ti tamtu kha a nia.
Lo la chhiar ve tur a ni. Helam hrim2 hi thu ziak kan nei tlem a ni.
Khi thlalak khi ka hmu ve tawh a, a mak angreng khawp mai. Ka lo enliam mai mai a, i rawn post tha khawp mai.
Mr TSA I rawn lut hi kan lawm em em e...
Kawngthlang a mi kha a nia, a chanchin i hriat chian zawk chuan han tuihnih ve la maw le.
In titi a va bengvar thlak ve, Hetiang thlalak chu vawn that reng tlak a nih hi.
@ramte, hei mi thiam tak takin an rawn tui hnih a, a lawmawm khawp mai.
@jona, vawn that atan a tha, watermark chu tha viau a, ka ti vel pei tawh lo e.
Suangpuilawn khua hmelhriat ka nei nual a, ka lo zawt chiang hlawm ang e. Misual lamah lo post nghe nghe teh.
@Mr. TSA, misuala post hi ka in thlahrung thin a camera quality a chhunawm loh ve ropui sia.
Chuan maw Mr Ts, aizawla ka parawl lai in kan inchung nula i rim thin tlatin ka'n hriat chu a. . Dik tak maw? Daih mai a. . Phu ciang ang chu.
A le, a le... Mr TSA, in va in man chian hmel ve. Chu nula chu tunge hriat a va chakawm ta ve.
@caribou, khati daih mai ang.
Post a Comment