1. Chamdur ngaw: Mizoram hmarchhak ah khian Murlen National Park a awm a, He ngawpui chhung ah hian Chamdur ngaw hi a awm a ni. Thlalaka lang chin piah lam hi kham sang tak 'Khampui' an tih chuan a hual vel vek a ni. Ramsa chi hrang hrang leh thing leh mau danglam tak tak he ngaw chhungah hian a la awm a, Mizoram rohlu tak pakhat a ni. Murlen khua hi Hnahlan thlen hma Vapar khua atangin a peng a, Jeep Road kawng chhe tak a ni.
2. Choakathi: Naupanlai chuan la in ka thil zawm diat diat a, thi lem atan kan hmang thin, a lunglenthlak em avangin ka rawn telh ve a nih hi. A tui hmel na in ei theih miah loh, damdawi atana hman a ni a, post hmasa ah ka sawi tawh kha.
3. Fahrahhrui: Ka source hi dik tak maw? A hming hi Fahrahhrui ti chauha ka la hriat avangin a hming atan ka vuah ve tawp mai a ni. Hmanlai hian fahrah naupang khawngaihthlak deuh mai hi a awm a, nu leh pa nei lo a ni in a pi in a enkawl a, chutianga baihvai taka khawsa a nih avang chuan naupang dangte chuan an hmusit thei em em a, sial chaih in mual ah an chaih thin a ni. A lu ah hian pan nasa tak a nei a, chutianga an hnuh kual vel nan chuan he hnim hrui hi an hmang thin a,nimahsela mak tak mai in a lu pan chu hetiang hrui hmanga an hrual velna lamah hian a dam ta vek mai a. Chuta tang chuan pan damdawi atan a tha tih hriat chhuah a ni a, a hming atan pawn Fahrah hrui an tih phah ta a ni.
4. Hlonuar: Hlonuar hi chu kan hre vekin a rinawm, a hnah hi a sensitive a, khawih veleh hian a inkhup thap thap zel a, a mawiin a dangdai ve khawp mai.
5. Pasal-ta-ka-za: In hmu ve tawh hlawm em aw? Thing par chi ka hmuh tawh ah chuan a danglam ber khawp mai. A hming awmzia erawh ka hre bik lo. In rin siak ve tawh mai rawh u.
Tun tum atan chuan heti zawng hi duh tawk phawt ila, kan tuipui dan a zir in a dang pawh kan lo la phochhuak leh dawn nia.
18 comments:
Hmmm... kan tui zawng ava inang ve aw. A nuam dawn e. A dang pawh rawn post belh zel teh. Nature thlalak hrim hrim hi hmuh a nuam a, a hahdamthlak bawk.
I plant rawn chhawp chhuah te hi a scientific name rawn dah tel teh a.
@Caribou, Nia kan tui zawng in ang tih ka hria lawm. Phawngpui tlangah pawh chuan zin dun ang ka tih kha nakum chu. Scientific Name chu Post hmasa ah khan ka dah tawh hlawm a, lo dah leh pawh a har chuang lo.
Ka post min lo hlut der sak ve thin avangin ka lawm thin teh mai a nia.
Pasal-ta-ka-za khi a hming chu ka hre fova, ka la hmulo emaw ni le. Tikhian a kung (main trunk) atang khian a par tawp mai ani maw? Lamkhuang te, sakhithei te nen an rah dan a inang dawn tihna ava nih hmel ve.
Protaceae family a ni a,a rah tak hi chu a par atang khian a rawn rah mai a ni.A hnah thuang thum in a kak bawk.Chhim lamah a tam vak lo a i la hmu kher lo mai thei ni.He thlalak pawh hi mizoram hmar chhak lampang a mi ani
Pic 1 khu a va ngaw tha khep khup ve aw.. Mit a tlai hle mai.
@TSA, Chamdur ngaw an tih ve ziah chu a nih khi. Hetiang ngaw kan la nei hi thil lawmawm tak a ni.
Pasaltakaza chu a dangdai hle mai taka.
Hlonuar chiah khi ka hria. Naupan zual lai deuh chuan 'khawihchi' kan ti mai zel! A hnah bâwr khat hi inkhup miah lova thliah theih chuan kan star rûk deuhin min duh ang tih kha kan ring khawp a, kan bei fat fat thrin alawm, hmaaaanah!
murlen ramngaw hi a nalh lutuk...nunhlui te pawh a kai tho leh ta in ka hria..
Ramhnuai ngaina miah si lo hian ramngaw hian ka lung hi zu ti leng ve ngawt zel a!!!!
Thlalak i va nei tha thei ve a. Hlonuar leh Choakthi chiah khi ka hria. Pic 5 ami khi a hming tu han phuah nge maw ni le??
@jona, ramhnuaia pangpar leh hnim tam tak hian hming an nei lo a, hming vuah sak ringawt pawh hi hna pakhat a ni.
@dawldang, ramngaw ngainat hi a har a sin fur lai phei chuan.
@ramtea, makpa zangkang te pawh kan nei a lawm.
Very informative. A tuimi ten mahni tuina field theuh hi luhchilh mur mur mai ila, tichuan i han thawhkhawmin in sawi ho leh ila, chu ai a education tha a awm chuang dawm em ni.
Tha khawp mai.
...khrum
Sikula kan zir thin, thu maia kan hriat kha; nangmah avangin mit ngeiin kan lo hmu ve ta chu ani a! Hiking, trekking vela kal avan chakawm ve aw.
@khumchikthei
ka thlalak in lo ngaihlu a ka lawm e. Education te chu engkima hmasawnna leh hriatna thiamna in hlanchhawn hi a ni mai a lawm. Kan tang tlang zel ang chu.
@seki, mizoram hi ram hlu ve tak a ni tih hi lanchhuahtir hi ka tum ve thin. Ramdang angin inchhawngsang leh lamlian ropui nei ve lo mahila kan ramngaw leh pangpar mawi tak2 te hi ramdang hian an nei bik lo a ni.
Ka blog min lo tlawh a in zavai chungah ka lawm e.
Thlalak chu a van nalh hlawm ve a! ngaw khi a nalh top! a pik hmel! pangpar te khi hetia close-up a lak hian mawi lo pawh a awm lo!
Pu maisek, ka blog i rawn tlawh a ka lawm e.
Mizoram ah hian ngaw tha tak a la awm tih lantir duhna rilru atanga he ngaw thlalak hi dah ka ni a, hmuhnawm tih pawh a hlawh viau a, ka lawm khawp mai.
Ka camera hman hi ka chhuanglo ve khawp mai, sony chhuak hmasa, mp pawh hniam tak kha a nia, pangpar thlalak dang pawh rawn post leh ka tum dawn nia.
Va tha thup thup hlawm ve. Hlonuar hi kei chuan ka duh reuh khawp mai. I la fuh ka ti, chuan, thlalak i thiam viaunin ka hria.
Va tha thup thup hlawm ve. Hlonuar hi kei chuan ka duh reuh khawp mai. I la fuh ka ti, chuan, thlalak i thiam viaunin ka hria.
Post a Comment