1. Thingtlang khua ah chuan dai theu nan hetiang hian thingtuai an la hmang thin. Tlai ni tla tur hian a chhun lunglen thlak zual....
2. Tlai ni tla tur hi chu kan ramah hi chuan khawi hmun mai pawh hi a mawi zawng a nih hi.
3. Hei ve thung hi chu turnipui leh romei zam inchawih mawi tak a ni ve thung e
4. Khawi khua nge hre thei rawh.. "Lam an thai thin lamtual mawiin... Sa lu an lam khua lianah" han ti ve duah teh ang...
5. Lungawina hi ropuina leh hausakna atanga teh kher tur a ni lo. Kan thlen In te aia chhngkaw hlim hi an awm bik chuang lo'ng e
6. "Fan leh ka nuam a khi chhaktiang Chamdur ngaw, lenrual hluite nen Hrangmi ianga ram kan mutna le luai" Aidu chi hrang hrang zawng leh ram hnim par zawngin heti thleng thleng hi kan han rammu ve thin kha a ni a...
7. Thing par chu a par na sang viau mahse a changtupa chuan a lawh tho a ngai si a.. MNF rammut lai thlalak a nih zawk awm hi maw??
12 comments:
Picture no. 1 ami khi i han sawi phawt ang hming. He pic hi a hlu tlat. Khitianga dai theu khi, khaw pawnah em ni an neih thin? Ka la hmu ve miah lo a nia. Chhun enga lak i neih chuan han dah belh law law teh.
Piture no 4 a an lamtual zawl khian lung a tileng khawp mai. Khilai ah khian naupang ho an tualchai ang a, zan tir lamah an pawnto bawk ang a; tlailam ah tlangval hovin football emaw volleyball emaw an khel thin ngei ang. Ball pet liam an awm chuan a hrilhhaithlak ang chu aw.......
Pic 1 chu la hmu ngai lo tan chuan Kulh ropui tak a ang hle mai.
Pic 5 chuan lung a tileng hle mai; hetiang in-a kan khawsak lai kha a la rei bik lo keini pawh :)
Pic 7: Manipur chu ni se an rinhlel man duh mai ang che a Armed Forces (Special Power) Act 1958 tlawhchhanin (i lang rinhlelawm bawk si)Haha.......!
@caribou, Pathian thilsiam mawina hre lo leh mahni culture hre pha lo te hi chu mi vanduai tak an ni ka ti ve tlat. Remchanna avangin hmun kilkhawr tak2 te ka tlawh ve a, a vanneihthlak khp mai.
@jona, tihluihna ang reng deuha ka regular visitor i ni a, a lawmawm thin e. Di ina riah chu a vawt duh khawp mai. Ramhnuaimi anga inchei vel hi pa riaua hriatna te ka nei ve thin tho.
Picture no 5 ve thung khi aw....
@Xingibera: Khitiang ang in ah khian i thleng tawh ani maw? I riak ang a, a chinchang i hre tawh ngei ang a. Kei chu khitiang inah khian kum tam tak ka cheng tawh asin. Chawngtea kan in hlui zawk kha chu a chung di, a bang dap, a chhuat pawh dap tho. Sumhmun ah mau kan rem a, char lamah luhkapui kan nei thin bawk. Kan kaiten rahkaa lungphek lian tak an phah kha ka mitthlain ka hmu reng thin. Mahse thal khawlum lai chuan a nuam ve khawp mai. Fur ah erawh a nuam hauh lo.
A chhunga chengte kan hlima kan lung a awi a, kan damtlang anih chuan, eng inchhung pawh hi a lo nuam mai thin a lo ni.
@Caribou, Thleng ve tawh e mawle.. Mikhualna ramah hi chuan kan hmuh hmasak ber min lo be lum lam tu hi kan zui chawt a ngai thin a,mahse nuam tak a ni.Pastlife sawi tur i va ngah dawn ve .. Ka mikhual ngun bawka mikhual awmdan mawi leh nun dan hi sawi tur ka nei ve nual mai nuihzatthlakte pawh a tam ang reng thin.. Mai an bai kan hmeh laia thlen in pa berin in sahrang a chaw kara a thuhruk tih vel te..lolxxx
Chawhmeh awm lohna hmuna thlen chuan sarim nam min hmehpui an duh ve si a chengkawl buhchiar min hmeh pui tum te pawh ka tawng ve zan tawh a nia.. Fiamthu sawi a sawi ka ni e.. tak tak a ni bawk a..
Ka comment hmasa leh pic 1 khi a intulo hle tih ka hmuchhuak chauh! Inlak-young mah nak laiin mit lampang a lo tar deuh tawh a ni ang e... :(
Uai! Mit a va tlai tehreng em!! Pic 1 a mawi hle mai. Pic 5-in lung a tileng. Thlalak i thiam lutuk. Misual lamah pawh post thin la, a zahpuiawm loh hlawm khawp mai.
Ti zel teh khai.
Jona, i sawi angin kan lo pawm hmiah hmiah mai a sin. Tunlai chu thlalak ka post zawn lutuk a, ka inthlahrung ve deuh. Chhe te te mah ni se in lo lawm der ve a, ka lawm ve vur vur viau zel a nia.
@TSA, Thlalak thiam ka ni lo ka tih kha, ka tuipui ve mai mai a ni. Ka camera hi a tha lo bawk nen. Mahse Photo shop vela tih danglam loh amaha a mawina dik taka lak hi kei chuan ka ngai hlu ve mai mai a ni. Misual lam chu a chhiar ah hian ka duh tawk viau rih a nih hi maw.. Post meuh atan chuan a te nau ka ti deuh a, a network a zau tham tawh bawk nen. Hetia thian zaho va in share kual hi a nuam zawk a lawm.
@Caribou, i pic 5 comment na khian ka lairil a fan raih mai.. ka sawi zui thui lo ang e...
Picture hnuai ber khi comment leh hram teh ang. Thingkunga lawn dawn chuan kelawnga lawn hi a nuam ka ti ber thin. Kutah chil han hnawm phawrh phawrh ila, han kep chho tai tai mai ila, kan tawlh chho han han mai. Pheikhawk nen hian lawn harsa ka ti tlat. Nauban par i zawng anih ngawt si loh chuan, i lawnna thingkung par khi chu a awmna a la san hmel khawp mai, i hmabak khi ka en a, a peihawm loh ka ti tlat.
Science ah hi chuan mahni ngei involve a ngai anih hi tiraw. Kei pawh ka peih vang leh taimak vang ni hauh lovin huan ka siam ve anih kha. Ka tlin rei lem hlei lova. Thlalak a nalh hlawm khawp mai.
Hotupa, a va lunglen thlak hlawm ve le aw. La nalh thiam bik hle mai.
...khrum
Pic No.5 hian ka lung a ti leng tawp.
'Lungawina hi ropuina leh hausakna atanga teh kher tur a ni lo. Kan thlen In te aia chhngkaw hlim hi an awm bik chuang lo'ng'- a dik chiah.
Post a Comment