Kan ti ta sa sa, titi phungleng sawi leh mai mai ang aw. Weekend te a ni bawk a, tih tur a vang phian a, kawm tur ka nei ve mang si lo a, kan puak chhuak leh pawp pawp ang e, thlasik mau puah ang in (an ti thin a mi khah?).
Zanin chu Manchester in Nomawi (k)an chawi ngei dawn a, inkhel en pawh a phurawm tawh khawp mai. Sunday tlai hi a tuka hnathawk tur nei tan chuan tlai sakei a ni ringawt thin. Chawlhni chawhnu atang hian a tuk hnathawh tur enghelh avangin lung a zing tan a, sunday tlai sa thing pawh inchuh a phurawm tawh loh thin. Hetiang boruak vel a nih lai a EPL en tur a lo awm hlauh hian ka nun ram nguai em em chu a ti phur tharin rilru hahna pawh chu ka theihnghilh phah thin a ni. Mahse zanin ah hian EPL a tawp tawh dawn a, weekend pawh a khawharthlak dawn tawh khawp mai.
Zanin chu Manchester in Nomawi (k)an chawi ngei dawn a, inkhel en pawh a phurawm tawh khawp mai. Sunday tlai hi a tuka hnathawk tur nei tan chuan tlai sakei a ni ringawt thin. Chawlhni chawhnu atang hian a tuk hnathawh tur enghelh avangin lung a zing tan a, sunday tlai sa thing pawh inchuh a phurawm tawh loh thin. Hetiang boruak vel a nih lai a EPL en tur a lo awm hlauh hian ka nun ram nguai em em chu a ti phur tharin rilru hahna pawh chu ka theihnghilh phah thin a ni. Mahse zanin ah hian EPL a tawp tawh dawn a, weekend pawh a khawharthlak dawn tawh khawp mai.
English ho hian an club lianpui pui, hun rei tak atang tawha khaw hrang hranga lo indinhhuak ho hi an ngaisangin an sakhua pakhat ang hiala ngai pawl te pawh an awm a ni awm e. Chutiang a nih lai chuan tun kum sawm chhung vel khan an club ho hi American leh Arab mihausa hnenah an hralh tawp tawp mai a, keini ang mi mawlmang tan chuan Kumpinu ram hi an economic dinhmun a tlahniam ta emaw ni le? tih mai awl tak a ni. Mahse mithiam ho in an sawidan chuan chutiang ang a lo ni awmzawng lo mai a, hetia an ram club an han hralh hian a leitute hian an theih anga nasa in an thanlentir a club hausa takah an siam ta thin a ni. Manchester City dinhmun atang hian kan hrethiam mai awm e.
Club chu Immovable property a ni a, engtikawng zawng mahin England ram atang khuan khung club ho khu an sawnchhuak dawn lo a, sawnchhuah chi pawh a ni lo. Chutia club a lo hausak tak zelah chuan chu club awmna ram neitu hnenah chuan chhiah an pek a lo ngai ta a, club a hausak zawh poh leh sorkarin chhiah a hmuh chu a sang ting a ni mai. Chuti chuan sorkar chuan Arab Oil te chu indirect in a lei a lo ni reng mai a, chutiang bawkin America hausakna pawh a lo tawmpui reng mai a ni.
Hei hi keima ngaihruatna a ka lo thlir dan ve pakhat a ni a, a that lohna leh diklohna pawh a awm ang. Comment ah duh duh a sawi zawm theih, Titiphungleng a ni miau a.
5 comments:
Zanin chu en niah niah ila a ni mai alawm. Ka club tan ve ber Chelsea lah chuan Cup chawi tur kan nei ve ta mang si lova, a hrilhhaithlak ang reng dawn khawp mai.
I thlir dan khi a dik hmel khawp mai. Khawi ram company pawhin lei se, English football club an la ni dawn tho tho. A hlawkna pawh England ramin a tel dawn tho anih hi.
Caribou te hi chu ka blog min awi nung tu in va ni tak em... Ka lawm e. Thu fahrah te te kan ngaituahna leh kan daichin ve ang te te atanga kan hriat kan share min lo tuihnih ve hram hram zel a.. Ngaihdan sawi theih vek a ni.
Nuam in va ti tawh ham ham bik ve aw, keini Roy Hodgson vang liau luauvin kan nih tur ang kan nih loh phah
Hausa deuh hlek ni ila chuan Mizoram chhunga footballer te hmang hian club din ve ka chak ani. Player te hlawh tur hi thave thawkhat tak ni sela. Sponsorship lam hi chu a huphurhawm vakin ka ringlo sa tehngawt a.. Chuan MFA hian tournament system a kal lo hian League system te hi hmangve thei ta bok se, football hi tun ai hian kan thalaite hian an tuichilh thei ang a. Unemployment te pawh hi a tihtlem phah thei hial awm mange te ka ti mai mai
Post topic a zui nge zuilo pawh ka hrelo. Ka han thlasik mau puah pui ve tawp mai anih hi
Ekhai, Manchester United i lo tan reng a ni maw! Zanin chu kan zan a ni tlat. Mahse, mut ka duh zawk..haha. Kan champ tawh tho.
Champion hnu-ah kan comment ve ange :-)
English club ho ah khu chuan Man U ka tan ber a,mahse Man city nena an inkhelh hian city lam hi ka tan rilru tlat zel nia mawle mak ve mai mai a sin aw.
Post a Comment