Zoram zinkawng

                   Train a tut ri ruai ruai a, Chennai kan chhuahsan dawn mek lai chuan ka phone a rawn ria, " U Tluanga, zaninah gauhati train chu ka thianten min lak sak a, tluang takin kal rawh u, ka thawhna te pawn ka hlawh ai tura tam cheng 5000 lai min pe ka lawm khawp mai" tiin Athana, Chennai a tlangval hnathawk chuan min rawn bia a. Kei chuan," ORS te lei sa la Glucose leh tui bottle te keng sa thlap ang che" tiin chu tlangval damlo chunga Mizoram haw tum chu ka thlah a ni. 

                  Kawngtluan chuan Athana chu ka rilru ah a awm reng a, keini pawh Kolkata kan thleng tawh a, a ni pawh chu Gauhati a thleng tawh tura ka ngaih lai chuan Chennaia a thianpa in min rawn phone a, Train chhunga a boral thu min rawn hrilh ta a ni. Ka rilru a va na in a va hreawm tak em...!!!! Ka ruala haw mai tura ka sawm lai khan KOlkata lam kual a hreh thu min hrilh a, a unaupa in Gauhati ah a lo nghah tur thu kha a sawi kha a ni a, heting hi a thlen ka ring phak lo a sin mawle.Hei hi maw hringnun chu lo ni le? A va han nunrawngin a va han ho thin tak em ve le? Chhungkua a zin kan nih miau avangin ka tanpui na ban ka phar zau thei si lo a.

                Kolkata Mizoram House ah kan thleng a, damlo mak tak tak a natna tuar ka tawng a, ka vnneihzia hriattir nawn ka ni chiang khawp mai. Natna mak tak tak, khawvelah pawh vei la awm mang lo natna vei te zofate zing ah hian an lo awm tawh a ni. Nula pakhat natna khirh tak vei pakhat chuan rilru zang khai tak in "Keini te chu accident kan tawk te a nih loh chuan kan thihna tur natna kan hre lawk sa a" a ti bawrh bawrh thei te nun aia nun awhawm kha ka la hmu meuh lo.Pathian atanga chhuak lo chuan khatiang khan a sawi theih ka ring meuh lo a ni.

               Kingfisher Airlines in a chhan mumal pawh sawi chiang lo a kan flight an cancel tak ngawt avangin peih lo chung xhungin Kolkata ah zan khat kan riah belh leh a, Mizote hi kan phunchiar lo a, khatiang ang thu ah pawh khan tuman va chhuahchhal tange pawh ti lem lo in kan rescheduled leh mai a, a tuk seat kan chan theih avang chuan kan lawm viau zawk lehnghal a, hrohrang tih nat ve deuh te pawh hi a tha lawng maw? te ka ti mai mai. Tin, Mizoram House kawta ding Taxi ho khu khawilaia koh chawp ho aia a rate a sang zawk khu a mak ka ti ve khawp mai, tlawm zawk awm tak a nia. Chubakah a thawktu mizotawnga biak mumal theih awm lo a, vai ho hlir an phu suau suau khu an tangkaina mizopa vai tawng thiamlo tan a awm vak lo bawk.

              Tichuan tluang takin vawin dar 12 hma khan Aizawl ah kan tum thei ta hram e. Zoram nge nge nuam tak a lo nih hi.....