“Hmanhmawh rawh u, Dar 11 a ri dawn tawh” ti in baklengin Biak In kan pan leh ang a; dan pangngaia tlai ber ziah thin pahnihte chu phun nuah nuah paha nghakin ka fapa nen Chawlhni zing hun kan hmang dun leh ang, Biak In lam hawiin; hman ang kha chu ni se.
Trafiic jam nuai nuai karah naupang sikul kal tur kan thlah anga, hmanhmawh uchuak deuh ho Scooty leh Car chuan min tai thelh thuak thuak anga, naupang bag rit leng lawng bat pah chuan Sikul lam panin kan liam dawr dawr ang; hman ang kha chu ni se.
Kar tawp Inrinni bazar chhuak in, Assam bazar ah Zo-chawhmeh kan han lei ang a, haw pahin kawngsir MOMO leh Chow kan ei haw ngei ang. Huamhauh leh heh fal deuh kha kan awm leh ang a, kan van nui leh nasa dawn em… Hman ang kha chi ni se.
Thian tha leh ngainat zawng pawh kan chibai theih tawhna hun, min hmu duh tu te laka hnarkawn chin chunglam bak kan lantir ngam tak lohna nun leh inringhlel ru tham a hringnun kan hmanna hmunah huan ‘Nun’ hi a hahthlak a nih hi.
“Lampui changkhatah mi an be chhe ngai lo” kan tih thin kha zawm tur chuan hla deuh hlek atanga biak a ngai ta. Mikhual leh hriat zawng ni lo lakah hawihawh a har kan ti a, Mizo nun ze mawi hian a hlutna a hloh a ni Hripui karah zawng, Chutiangin Hringnun chungnungna pawh a chuai bawk e.
No comments:
Post a Comment