Employment News (19-25 March 2011) chhuak thar berah khan central sorkarah a nawlpuiin a kan dil theih tur hnaruak a awm nual a, Staff Selection Commission (SSC) in kum tina exam a buatsaih thin Combined Graduate Level Examination hi a dil dan tlangpui leh a hnaruak nihphung thiam ang anga tarlan i han tum teh ang.
Combined Graduate Level Examination hi Tier-I leh Tier-II (Tun hma chuan Prelim leh main tih a ni) anga neih tur a ni a, Tier I hi Mizoram ah pawh exam theih a ni a, exam centre hi Aizawlah a awm a, Tier II erawh chu Guwahati lamah exam a ngai thung. Tier-I hi ni 19 leh 26 June 2011 ah exam neih tur a ni a, Tier-II exam ve thung hi Tier-I exama inziak tlingte tan ni 3 leh ni 4 September 2011 ah exam tura ruahman lawk a ni.
Eng hna nge thawh tur?:
Hna thawh tur zinga lar zual deuh ho leh a hlawhsang leh dinhmun tha deuh atangin tarlang ta ila.
Assistant Grade in CSS te, Assistant Grade in other Central Govt Ministry te, Inspector of Central Excise and Customs te, Preventive Officer te, Inspector of Income Tax te hi exam a ti tha ho in an thlan a ni tlangpui a, a hlawh chu 9300-34800 plus Grade pay 4600 an ni vek a ni. Assistant post hi promotion a chak a, next promotion chu Section Officer a ni nghalin Gazzeted status a ni tawh a, service vanneih phei chuan Central Govt ah Jt Secretary thleng kaisan theihna chance pawh a awm a ni.
Inspector of Income Tax hi hna tha tak a ni in income tax pe ho vai miliante tlawn em em an ni a, hna chhuanawm tak a ni. Promotion pawh a chak a, kum 5 hnu ah Income tax officer ah an kaisang tlangpui a, chu chu Gazetted post a ni tawh a ni. Asst. Commissioner, Deputy Commissioner chu service chhunga thlen hman ngei ngei beisei a ni, a bik takin Scheduled Tribe tan phei chuan chance a tha zual ani.
Preventive Officer leh Inspector of Central Excise and Custom hi 3rd choice a ni thin a, promotion lamah a chunga mite ai khi chuan a muang deuh a, amaherawhchu muang lutuk a ni bik lem lo. Kum 10 hmain ST tan chuan Superintendent ah kai theih hman ngei beisei a ni a, chuta tang chuan Asst. Commissioner te, Deputy Commissioner ah te kai chho zelin a vannei zual phei chu Jt. Commissioner te leh Commissioner te hiala pension pawh an awm a ni.
Heng kan sawi bakah hian Sub Inspector in CBI (9300-34800 + 4600GP) te, Inspector of Post (9300-34800 + 4600GP) te, Divisional Accountant (9300-34800 + 4600GP) te, Statistical Investigator (9300-34800 + 4600GP) te leh Pay Scale 5200-20200 + 2800GP leh 2400GP a thu post hrang hrang Auditors, Jr. Accountant, UDC, Tax Assistant, Compiler etc te a la awm nual a ni.
Exam Kalphung:
Tier-I leh Tier-II Exam paltlang te hi interview neihpui leh an ni thin a, chumi a la tling chho zelte chu an rank a zir leh an post preference a zirin appoinment pek an thin a ni. He exama tlinna atana pawimawh em em mai pakhat chu english grammar chiang taka thiam leh communication skill neih that a ni. Hemi bakah hian Arithmetric a pawimawh em em bawk a, Mizo te hi a tlangpuiin Reasoning ability leh Aptitude test ah kan tha tlangpui a, General Studies lama hnufum deuh tan pawn Arithmetic leh English thiam chuan chance tha tak a awm a ni.
Exam tawh te sawidanah chuan English thiam hi Assisstant post atan a pawimawh a, chutiang bawkin Arithmetic lam thiam hi Inspector lam atan a pawimawh an ti thin a, dik pawh a dik viau ta ve ang. Tier-I leh Tier-II exam hi objective type vek a ni tawh a, fimkhur a ngaiin thiamchian a pawimawh hle ani. A thui lutuk dawn avangin ka link pekah hian a hrechiang duh chuan in lo en mai dawn nia.
Kum 2006 hnu ah he exam ah hian mizo tumah an tling leh tawh lo a, rualawhna leh thahnem ngaihna avangin he post hi ka rawn publish ve rawih a ni e. Mizo lehkhathiamte hian he exam hi inpuahchahna mumal deuh nen chuan awlsam takin kan tling thei a ni tih hi ka hrechiang a, kan inpuahchah that tawk loh vang leh Group A post a nih loh avang hian kan ngaihthah deuh vang in kan tling lo thin mai zawk ni pawhin a lang. Amaherawhchu, kan mizo thalai lehkhathiam zawng zawng hian UPSC kaltlangin hna kan hmu phak vek dawn lo tih chu a chiang a, chuvangin Group B post mah ni se I dah hniam lo ang u. Hna tha ve tawk tak a ni tih hi ka sawi nawn duh a ni. Hrechiang duh kan awm a nih chuan lntvanchhawng@yahoo.com ah in rawn zawt chiang mai dawn nia.
Link:
10 comments:
Post bengvarthlak hle mai. Hlawh a tha ropui si a, daily newspaper lamah te a chhuahchhawn chi ngawt ang. Theihtawpin English ka'n zir tang tang phawt teh ang. English thiam lo tan Central-ah chance a awm si lo a..
I thahnemngaihna a zahawm hle mai. Kan tlin theih loh ngawtna chhan tur chu a awm hranin keipaw'n ka hre lo. Kan inbuatsaih leh buatsaih lohah a innghatin ka hria. Exam ve a chakawm angreng ka ti..
Post tha rem rem hle mai. Mahni optional paper hi tu pawhin an thiam tlangpui a, an inthlauh em em na thin chu arithmatics, mental ability, english leh general studies ah a ni thin. Competitve exama tling tur chuan mahni subject master ngawt hi a tawk lo. Tin, tum tak tak na nena beiha, a theih hram chuan thil dang zawng zawng theihnghilh vekin, kum 2 chhung vel tal chu inbuatsaih ve a tha khawp mai. Miin a tum tak tak anih chuan, theih loh a awm lova, theihtawpa a in prepare anih phawt chuan, khawii exam berah emaw chuan a tling em em ang.
He post hi mihlawhtling tawhte lak atanga duhsakna awka anih hi, theihtawp chhuahin in han bei teh ule. Tunhma angin hna hi a vantla dawn tur a awm tawh lo ania. In hmaah hlawhtlinna lallukhum a awm e. Thiante u, chan ngei han tum hram teh u.
Comment avangin ka lawm e. TSA, Dolerich, Caribou.. Tunlai chu hetiang lam post hi a tangkai zawka rinna ka nei thar a, rawn tih zeuh zeuh ka tum dawn nia. A hmunpui lama awm zawk na na na chu hna ruak hriat pawh a zau deuh zawk in a rinawm.. Min phurpuia ka lawm e
A sawibelhna ho khi a tha khawp mai, hetianga hriatzauna hian mi a tihpur lehzual thin...
'tihpur' khi 'tiphur' ka tihna :)
A va tha thin kher em. Chhiar a manhla thei ngeimai
A va bengvar thlak tak em....ka chhiar phak chin hi a tlem em a ka hriat phah a ka lawm khawp mai....
bawhzui tlak a nih hi.. BA hnanei lo ho chuan..
Post bengvarthlak tak zet mai...hetiang ang zawng zawng lo paltlang vek tawhtu ngei maiin,mahni hnam tana thahnem ngaia i hnathawh hi a hlu ka ti a, ka chhuang tak zet che a,a thlawnlo ang tih ka ring tlat bawk a ni..
Post a Comment