VANGKHAW DAM DUAI

An sawi Pualleng iang mah suhin 

Hraileng raltiang kai ve nan e, 

Thlangtla e vairam chhim tawpan, 

Khual changin kawlvalenchhamah, 

Ngaih bang lo lungduh tual chaina; 

A khi vangkhaw Leitlang dam duai. 

 

Duh ka thlang sual em ni Vala'n? 

Vanglai hlimlai par chen lova 

Mahriakten phairam ka belh le? 

Lungduh rualhlui nena hlimlai; 

A iang zo si lo khua hla an, 

Nauang nuih lai a cham reng mai, 

Hmunhlui hunhlui mual liam hnu kha. 

 

Kumsul veiin sial ang ka lawi, 

Leitlangpui daikawn ka vangkhua. 

A tlang a mual dang si lo hian; 

Lairil lungdumtu nunhlui kha;

Luaithli nen nunhlui dawn chung hian

Ka liam ta'ng e, kawrvai ram an.

 

NB: Kum 2012 a ka ziah chhuah ka rawn pholang tlai khawhnu a ni.