Ram Hruaitu ṭha chuan a ram mipuite himna leh hlimna a ngaihtuah tur a ni .
Sumdawnna dan mumal, hlawk leh him, kaihhruaina kawng dik leh rintlak, sorkar leh mipui hausak zawkna tur a duang tur a ni. Sumdawnna hi sorkar chhiah lakna pawimawh a ni tih hi hriatreng tur a ni
Ṭhalaite tan kawng hrang hrangah hmasawnna sâng zawk nei turin a chher hriam tur a ni a, hmachhawp ṭha zawk a duangin beiseina dik a siamsak bawk ang.
Zirna leh thiamna a kalpui ang a, zirlai beidawngte pawh kawng danga intodelhna a kawhhmuhin a tuai hriam ang.
Thlei bik nei lova ram pum huapa hmasawnna tur a duangin a tihlawhtling ang.
Ram mipuite hriselna khairual takin a enkawl ang a, thingtlang mite leh khawpui hlata awmte a ngai pawimawh zual tur a ni (Sawi belh tur a tam lutuk)
Heng a chunga kan sawi zawng zawng hlawhtlinna chu Kawngpui ṭha a ni tih hria in a ngai pawimawh em em tur a ni.
No comments:
Post a Comment